Козьмодемьянскыште школ-интернатын зданийжым тӧрлат
14:46, 13-05-2021. Разместил: zhannk
Козьмодемьянскыште школ-интернатын зданийжым тӧрлат. Кеҥеж мучаш марте тазалык дене эмганен вияҥше йоча-влаклан тӧнежым шотышко кондат. Пашам эртараш аукционым «Кугыжаныш закупко» сайтыште вераҥденыт. Документаций дене келшышын, пашалан 14 миллион теҥге ойыралтеш. Тиде окса дене подрядчик школ корпуслаште леведышым вашталта, фасадым уэмда, тыгак спортзалын пырдыжшым шокшемда, окна да кӱварым шотышко конда. Контракт дене пашам 18 август марте мучашлышаш улыт. Ушештарена, кодшо ийын школ интернатлан «Образований» нацпроектын «Современная школа» проект дене келшышын оборудованийым налыныт. Учрежденийыште ургымо, столяр, йолчиемым ачалыше мастерскойым уэмденыт.
Вернуться назад