Йошкар-Олаште пляж-влакым тений 1 июнь гыч почыт

Йошкар-Олаште пляж-влакым тений 1 июнь гыч почыт. Тидын вашеш йӱштылаш келыштарыме вер-влакым ямдылат. Оласе администраций палдара: тений «Южный» пляж, вантовый кӱвар тураште Изи Какшан серыште,  тыгак  Нолька воктене канаш вер лийыт. Пляж тургымым почмо вашеш тушто инфраструктурым саемдат, тыгак аварийно-утарыше службо да водолаз-влак эҥерым тергат.