Йӧрыктыдымӧ тул Карась ер воктене чодыра пожарын амалже лийын

Йӧрыктыдымӧ тул Медведево районышто Карась ер воктене чодыра пожарын амалже лийын. Шуматкечын сосновый бор санаторий воктене утарыше-влак тулазапым йӧртеныт, тыгодым 15 гектар ужар кумдык йӱлен. Тидын дене пырля каныш кечылаште 12 гана кукшо шудым йӱлалтымаш лийын. Утарыше, тулым йӧртышӧ-влак кугу туткарлан шарлаш пуэн огытыл.