Йошкар-Олаште Павел Глезденев лӱмеш сквер лийын кертеш
18:06, 8-06-2020. Разместил: zhannk
Йошкар-Олаште Павел Глезденев лӱмеш сквер лийын кертеш. Республикын 100 ийже да Марий калыкын 11 съездше вашеш мер пашаеҥ-влак тидын шотышто темлымаш дене лектыныт. Республикысе правительствын черетан заседанийыштыже Михаил Васютин улшо темлымаш нерген ойлен. Павел Петрович Глезденев–марий просветитель, литератор да этнограф. Тудо марий шанче да сылнымутлан негызым пыштен. Павел Петрович 1917-1918 ийыште Марий погынлаште лийын, «Марий Эл» газетын икымше редакторжо. Правительстве заседанийыште вес проект-влак нергенат ойленыт. 2021 ийлан Йыван Кырля уремыште скверым тӱзаташ, да тушто республикын 100 ийже лӱмеш монументым вераҥдаш.
Вернуться назад