Тиде арняште кӱчык паша арня вуча

Тиде арняште республикыште илыше-влакым, чумыр Россий семынак кӱчык паша арня вуча. Кугарнян 12 июньышто Российын кечыже. Тидын вашеш икмыняр мероприятий лиеш. Тиде кечылаште Йошкар-олаште граффити фестиваль лиеш. Уремыште пашам ыштыше сӱретче-влак оралте-влакын пырдыжлаштышт тачысе кечын геройжо-влакым сӱретлат: врач, волонтер, соципашаеҥ, тыгак Российын кечыжлан келыштарыме сӱретым ыштат.

12 июньышто МЭТР телеканал тӱвыра, печать да калык-влакын пашашт шотышто министерствын полшымыжо дене МЭТР, ОТР каналлаште, социалвоткылыште, тыгак metr12.ru сайтыште 17 шагатлан Российын кечыжлан пӧлеклалтше кугу концертын трансляцийже лиеш. Республикын артистше-влак кугу пайрем концертым ончыктат.