Шке проектыштым темленыт да президентын грантшым сеҥеныт
15:52, 15-06-2021. Разместил: zhannk
Шке проектыштым темленыт да президентын грантшым сеҥеныт. Тиде – Хант-Манси автоном округышто илыше марий-влак нерген. Каласыман, икмыняр ий ончыч нуно посна ушемыш чумыргеныт. 2019 ий гыч регионысо организацийым вуйлаташ чолга марий ÿдыр, Параньга районын шочшыжо Раисия Сунгуровалан ÿшаненыт. Тений Югра кундемыште марий-влакым ушен шогышо "Марий ушем" организаций кок проектым илышыш шыҥдара. Нуным Сургут ола кумдыкышто шыҥдарат. А оксажым Сургут оласе администраций ойырен. Икымше проект «Знай этно и улыбайся глазами на языке дружбы» маналтеш. Тений тиде проект эше Президентын грантшым сенен. Проектын кугытшо – ик миллион теҥге наре. Тудым 2021 ийын кокымшо пелыштыже да 2022 ийын икымше пелийыштыже илышыш шыҥдарышаш улыт.
Вернуться назад