20:05, 9-08-2021«Марий Эл ТВ»: известному марийскому композитору Кузьме Смирнову установят памятник

Лӱмлӧ композиторым шарнен! Шушаш ийыште Медведево районысо Шихмамат ялыште Кузьма Смирновлан бюстым шогалташ шонат. 2022 ийыште тудын шочмыжлан 105 ий темеш. Проектын авторжо – рӱдоласе 27-ше номеран школын тунемшыже Софья Архипова. Ӱдыр «Кузьма Смирновлан бюстым шогалтымаш» проектым возен да «Федоровские чтения» конференцийыште икымше верым налын. Тыгак тений 30 июньышто Россий Президент дене вияш линийышке серышым возен.