19:20, 16-08-2021«Марий Эл ТВ»: В ОПЦ прошла жеребьевка бесплатного времени для агитации

Сайлымаш кече марте ик тылзе кодын. Тений 17, 18, 19 сентябрьыште йӱклымаш эрташ тӱҥалеш. Мемнан республикыште Кугыжаныш Погынышко кок округ дене депутат-влакым ешарен ойыраш тӱҥалына, тыгак чумыр Россий семынак Кугыжаныш Думышко сайлымаш эрта. Мемнан республикыште ик мандатан марий кундемысе 22 номеран округ дене 11 кандидат регистрацийым эртен, тыгак 14 партий. Нунын дене лишкырак палыме лияш кажныжын йӧнжӧ уло. Тидлан кугыжаныш телерадиокомпаний, тыгак кугыжанаш газет-влак эфирыште яра жапым да газет лаштыклаште яра верым ойырат. 16 августышто Рӱдӧ сайлымаш комиссий жапым да верым шеледымашым эртарен.  Республикыште кандидат да партий-влаклан 8 тӱрлӧ тушка увер кыл, тыгак кум газет жапым да верым ойырат.