21:11, 17-09-2021«Марий Эл ТВ»: Глава Марий Эл посетил Куженерский район

Куженер поселкышто кок школ уэмыныт. Тунемме школым да сымыктыш школым тений капитально тӧрленыт. Куженер кыдалаш школым 1974 ийыште чоҥымо, кызыт тушто 316 икшыве шинчымашым пога. Капремонт жапыште спортзалым тӧрленыт, окнам, омсам вашталтеныт, инженер коммуникаций да электросеть-влакым уэмденыт. Пашалан 19 миллион теҥге ойыралтын. Вес ийын школышто пищеблокым тӧрлышаш улыт, тыгак мебельым да кухньо оборудованийым вашталтышаш улыт. Тидын нерген регион вуйлатыше школышто лиймыже годым палемден. Куженер поселкышто тыгак сымыкт ыш школ у тӱсым налын. 20 миллион тенгелан тушто чыла гаяк уэмденыт.