19:05, 23-09-2021«Марий Эл ТВ»: В галерее открылась выставка, посвящённая памяти художника Зосима Лаврентьева

Марий живописьын классикше, марий Рафаэль. Тыге ойлат калык сӱретче, Марий кундемын шочшыжо Зосим Лаврентьев нерген. 16 сентябрьыште ик ият шуын, кузе тудо мемнан деч каен. Лачак ты кечын Йошкар-Оласе калыкле тӱссымыктыш галерейыште тудым шарныме лӱмеш ончер почылтын. Тушко тӱҥ шотышто Зосим Федоровичын мастерскойжо гыч сӱретчын тӱрлӧ кундемлаште лиймыж годым возымо пашажым вераҥденыт.