20:02, 24-09-2021«Марий Эл ТВ»: В Марий Эл пройдет конкурс Ший памаш» («Серебряный родник»)

«Ший памаш» муро конкурсыш ушнаш шонышо-влак дечын йодмашым вучат. Ноябрь мучашыште Йошкар-Олаште Регион-влак кокласе «Ший памаш» финно-угор эстраде муро фестиваль-конкурс эрташ тӱҥалеш. Тушто финно-угор тӱня гыч самырык мурызо-влак 16 гыч 35 ий марте, тыгак 36 ий гыч 55 ий марте да 5 еҥ марте мурышо ансамбль-влак мастарлыкыштым ончыктат.   Конкурсыш ушнышо участник-влак тӱрлӧ сынан 3 мурым ямдылат: калык мурым, кумдан палыме до йӧратыме мурым да пытартыш кум ий жапыште возымо у мурым.