Марий Эл гыч компьютер лингвист Андрей Чемышев «Нацийын кугешнымашыже» российысе мер премийын лауреатше лийын. Тудо шочмо йылмым аралыме да тудым вияҥдыме пашаште ынде лучко ий тырша. Пытартыш жапыште гын электрон мутерым, кычалше системым, марий йылме корпусым да марий букван шрифтым ямдылымаште чот тыршен. Но тидын дене шогалаш огеш шоно. Программист Андрей Чемышевын мутшо почеш, паша эше моткоч шуко. Мемнан землякнан разработко ден проектше-влаклан кӧра марий йылме интернет воткылыште ий гыч ийыш шарла. Элнан тӱвыра поянлыкшым переген кодымаште шке вийым пыштыше еҥ-влакым 19 ноябрьыште Моско олаште палемдат.
Комментариев: 0