Марий Элыште воспитатель-влакын мастарлыкыштым тергат. Республикыште «Воспитатель будущего» лӱман фестивальыш йодмашым погат. Тений тудо дистанционно эрта. Тушко ушнаш шонышо педагог-влак практикыште дидактический материалым кучылтмо шотышто видеом войзышаш улыт. «Воспитатель будущего» фестивальын тӱҥ шонымашыже – педагог-влакын мастарлыкыштым тергаш да школ деч ончыч пуымо шинчымашын кӱкшытшым нӧлталаш. Пандемий деч ончыч ты таҥасымаш секций йӧн дене эртен. Тушто воспитатель-влак шке опыт дене палдареныт да моло-влаклан мастрлык-классым эртареныт. Тений, фестиваль мучашлалтмеке, ойыртемалтше видео пашам-влакым онлайн-марафоныш луктыт. Тыге нунын дене чыла кумылан педагог палыме лийын кертеш.
Комментариев: 0