VIDEO
Марий Элысе радиомеханический техникумышто «Образований» нацпроект кышкарыште у мастерской-влак почылытыныт. Тушто промышленность аланлан чолга пашаеҥ-влакым ямдылаш тӱҥалыт. Студент-влаклан шуаралташ ныл пӧлемым келыштарыме. Тиде «промышленный механика да монтаж», «Токарь, тыгак фрезер станок-влак дене пашам ыштымаш» да «Инженер дизайн». Тидын годым мастарлыкым тапташ 19 паша верым ямдылыме. Ынде студент-влак техникумыштак тачысе илышлан келшен толшо аппарат дене пашам ышташ тунемыт. Мастерской-влакым олмыкташ да техникым уэмдаш Российысе, Марий Элысе да техникумын бюджетше гыч 50 миллион утла теҥгем ойырымо. 2024-ше ий марте кундемыштына 50 тыгай лабораторий пашам ыштышаш.
Комментариев: 0