19:55, 28-01-2022«Марий Эл ТВ»: В Национальной библиотеке им. С. Чавайна работает литературный кабинет писателя

Профессионал марий литературылан негызым пыштыше айдемым порын шарнен. Марий кундемыште Сергей Чавайнын лӱмжӧ дене кылдалтше шуко вер уло. Шочмо Морко район Чавайнурышто – пӧрт-тоштер. Морко кундемыштак Арын ялыште да Медведево поселкышто школ-влак тудын лӱмжым нумалыт. Йошкар-Олам налаш гын, тыште Чавайн бульвар да Чавайн лӱмеш калыкле книгагудо уло. А книгагудышто Сергей Чавайнын литератур кабинетшым келыштареныт.