Кугыжаныш Погынын депутатше-влак черетан 24ше сессийыште Общественный палатын 11 у еҥыштым, тыгак республикысе 9 законым да 17 постановленийым пеҥгыдемденыт. Икмыняр законышто вашталтышым пуртеныт, тыге мутлан республикыште йӱшӧ але наркотик дене аҥыргыше еҥ-влаклан специализированный организаций, вес семынже вытрезвительым-влакым ыштат. Тудлан финансированийым ойырымо шотышто йодышым лишыл жапыште правительствыште рашемдат. Депутат-влак аграрный туризм нерген йодышым нӧлталыныт, ончыкыжым ялысе туризмлан полышым ойыраш тӱҥалыт. Кугыжаныш Погын ял да селаште илыше самырык специалист-влак шотыштат законышко ешартышым пуртен.
Комментариев: 0