Санкт-Петербургышто Марий Элын представительствыже лиеш. Тидын нерген республик вуйлатышын пашажым жаплан шуктышо Юрий Зайцев «Ший корно» национал-тӱвыра автономий дене вашлиймаш годым увертарен. Представительствым ышташ шонымаш дене автономий вуйлатыше лектын, а Юрий Зайцев тудым сайлан шотлен. Вӱргечын Марий Эл вуйлатышын пашажым жаплан шуктышо Санкт-Петербургысо марий землячестве дене келшымаш пӧртыштӧ вашлийын да организацийлан полшаш кӱлмӧ нерген каласен. Вашлиймаште моло йодыш-влакымат каҥашеныт. Тошто йӱк записьым оцифроватлаш, этномузыка, театр, балет да социокультур аланлан специалист-влакым ямдылыме нерген мутланеныт.
Комментариев: 0