Тыланем мый тыланет... 27 декабря 2021 г.
- Дата: 21:31, 27-12-2021
- Просмотров: 336
Интервью с врачом-педиатром, Заслуженным врачом Марий Эл Маргаритой Тойшевой. «Актуальное интервью» с Лирой Матвеевой.
Нине йоча-влак сарзе вургемым чият, сар-куралым кучылтын моштат да тунеммаште сай шинчымашым ончыктат. Ик эн ончыч мемнан кундемыште кадет класс-влак Йошкар-Оласе 21-ше номеран школышто почылтыныт. Варажым – моло вереат. Шукерте огыл Йошкар-Оласе 31-ше номеран школын тунемшыже-влакым кадетыш пуртеныт. Нуно УФСИН-ын вуйлатымыж почеш тунемыт.
Марий Элыште самырык еҥ-влак «Пушкинский карте» полшымо дене 28 тӱжем утла билетым налыныт. Нуно утларак Сапаев лӱмеш опер да балет театрыш, Козьмодемьянскысе тӱвыра да историй тоштер комплексыш да Шкетан лӱмеш кугыжаныш драме театрыш коштыт. Тидын нерген кумданракын черетан сюжетыште палдарена.
75 ияш лӱмгече пайрем вашеш уста пашаеҥ-влакым палемденыт. Ленин лӱмеш тӱвыра полатыште Республикысе калык усталык рӱдерын кугу пайрем концертше эртен. Таче ты рӱдер кундемыштына улшо 3 тӱжем утла усталык коллектив да 2 тӱжем утла тӱвыра пашаеҥлан вуйын шога.
Республикысе кучем калык сымыктыш да кидмастарлыклан тӱткышым да полышым ойыра. Уста еҥ-влакын пашашт дене палдарыме вер-влакым турист маршрутлашке пуртымо. Тоштер фонд-влак кидмастар-влакын пашашт дене пойдаралтыт.
Марий Элыште У ий вашеш туныктышо-влакын шонымашыштым шуктеныт. Шушаш пайрем дене республикысе да Российын сулло педагогшо-влакым «Мечтают все» акций жапыште саламленыт. Ты гана пиал кок туныктышылан шыргыжалын. Тиде Светлана Викторовна Разинова да Нина Степановна Ершова.
Марий Эл Кугыжаныш Погын черетан сессийышке чумырген. Депутат-влак 2021 ийлан обязательный медицин страхований шотышто территориальный фондын бюджетышкыже ешартышым пуртеныт, тидын дене пырля вес ийлан Кугыжаныш Погынын законопроект-влак шотышто программыжым пеҥгыдемденыт. Повесткыште вес закон проект-влакымат лончылымаш лийын.