"Шке нерген веле огыл, шергакан лишыл ен да йӧратыме зритель-влак нерген шоныман", - маныт Шкетан лӱмеш драме театрын пашаеҥже-влак. Тиде кечылаште театрын администрацийже, артист, тӱрлӧ цехын пашаеҥышт тӱшкан вакцинацийым эртеныт. Тушечын кондымо видеоматериалым ончаш темлена.  

Кенежымак у тургымлан ямдылалтыт. Шкетан лӱмеш кугыжаныш драме театрын артистше-влак канышыш кайыме деч ончычак 103-шо театр тургымлан у репертуарым ямдылат. Паша икмыняр у спектакль дене ышталтеш. Тиддеч посна, артист-влак кугу экологий акцийым эртареныт. Юлсер кундемын чапланыше Мӱшылъерым эрыкташ миен коштыныт. Чыла тиде нерген кумданрак вес сюжетыште.  

Праздничный концерт по заявкам телезрителей.

Мордовий республик гыч сеҥымаш дене. 15 гыч 21 июнь йотке «Лӱдыкшыдымылык школ» регион-влак кокласе таҥасымаш эртен. Ик площадкыште Юл кундемысе федерал округыш пурышо регионла гыч тунемше-влак чумыргеныт. Ӱдыр ден рвезе-влак икмыняр виктышыште таҥасеныт да команде дене икымше верым налыныт. Йоча-влак дене мемнан съемочный группына вашлийын. 

Чодырам кузе аралаш? Тудын кумдыкшым кузе висаш? Пушеҥгылан энгекым кондышо тӱрлӧ копшангым кузе пытыраш? Нине да моло йодыш-влаклан вашмутым эколого-биологический рӱдер пеленсе лагерьыш коштшо икшыве-влак сайын палат. Сменым мучашлыме вашеш «Чодырасе корно» маршрут дене экскурсий эртен. 

Марий Элыште Российысе УФСИН-ын 7-ше номеран колоний-поселенийыштыже пакчасаскам перерабатыватлыше цехым почыныт. Тудо Советский район Светлый посёлкышто верлана. Тушто мариноватлыме ковыштам, шоганым, ковышта шӱр ден борщлан заправкым ыштат. Консервироватлыме кочкыш-сатум лукшо цехым почаш федерал целевой программе полшен.

Праздничный концерт по заявкам телезрителей.

Калыкле кочкыш ден вургем, этнографий кудо да тÿрлӧ район гыч чумыргышо уна-влак. Татарстан республикыште илыше марий-влак Семык пайремым кумдан палемденыт. Тений ты пайрем Актаныш районысо Йӱштӧ Памаш ялыште эртен. Пошкудо регионыш Марий Эл гычат ятыр уна миен коштын. Семык пайрем гыч Вера Горохован сюжетше. 

Ик миллион теҥге наре окса – проектым калык коклашке шараш йӧным ышта. «Ший пӱян Пампалче» марий йомак да калык усталык тоштер президент грантым сеҥен. Ойырымо шийвундо дене нуно «Марий йомак йолгорно» проект дене пашам ышташ тӱҥалыт. Проект идалыкат пеле жаплан келыштаралтын.  

Праздничный концерт по заявкам телезрителей.