«Марий Эл ТВ»:  Марийский ТЮЗ в этом году отмечает 30-летие

Марий калыкын чон шепкажлан – 30 ий. Лач тыгай лумгечым тений Марий самырык театр палемда. Чылажат 90-ше ийла тӱҥалтыште лийын. Тиде – марий калыкын шкешамжын, самосознанийжын вияҥме пагытше. У театр - жапын йодмашыже. Таче марий калыкын ик эн йӧратыме театрже 30 ияш шочмо кечыжым палемда. Лач тидлан театрыште «Эртыше корным шергалына» фестиваль пӧлклалтын. Тудо кок тылзе шуйнен. Сценышке 30 ий жапыште шындыме эн тӱҥ паша-влакым уэш калык ончыко луктыныт да 4 премьер денат палдареныт.