«Марий Эл ТВ»:  Журналу «Ончыко» - 95 лет

95 ий марий лудшо ден пырля. «Ончыко» сылнымут да художественный, мер-политик журнал тений 95 ияш лӱмгечыжым палемда. Тиде жапыште тудым 15 тӱҥ редактор вуйлатен. Журналыште савыкталтше материал-влак тачат йодмашан да вучымо улыт. Тачысе кечын тудым Марий Элыште веле огыл, моло кундемлаштат лудыт. Редакций пашаеҥ-влак кажне у номерым районлаш шкеак намиен шуктат. Таче «Ончыко» кузе вияҥеш да могай автор-влак дене кылым куча? Тидын нерген пален налаш мемнан корреспондентна журнал редакцийыш миен коштын.