«Марий Эл ТВ»:  В Йошкар-Оле открыли модельную библиотеку

Тачысе илышлан келшен толшо да йӧршеш ойыртемалтше. Марий Элыште модельный книгагудо-влак умбакыже почылтыт. Медведево посёлкышто йоча книгагудым тӱзатеныт да тудым пайремлын почыныт. Кок тылзе жапыште пӧлем-влакым тичмаш олмыктеныт. Ынде нуно шкешотан каныме верым ушештарат.  Кабинет-влак волгыдырак лийыныт да нуным посна ужаш-влаклан пайленыт. Мутлан, ик вере изи йоча-влак ача-ава дене пырля модын да лудаш тунемын кертыт. Вес пӧлемым кугурак-шамычлан келыштарыме. Медведево йоча книгагудым модельныйым ышташ «Культура» нацпроект полшен. Тудын кышкарыште ойырымо шийвундо дене олмыктымо пашам эртареныт, у мебельым да оборудованийым налыныт. Тыгак книга фондым пойдареныт. Тачысе кечын книгагудыш 2500 утла йоча коштеш.