«Марий Эл ТВ»: В Йошкар-Оле открылась выставка Народного художника р. Башкортостан Георгия Калитова

Илымыж годым шочмо марий калыкше верч уло чонжо ден йӱлен. Кеч-могай пашаже – радына, книга лийже – марий шӱлыш дене темше лийын. Мутем – Башкортостан республикын калык сӱретчыже Георгий Калитов нерген. 2021 ий шыжым тудо ӱмыр лугыч лийын. Но сӱретче нерген шарнымаш калыкыште кужу жап илаш тӱналеш. Мартыште Йошкар-Оласе мер-политик рӱдерыште Георгий Калитовын ончерже почылтын.