«Марий Эл ТВ»: На «Бендериаде» Марий Эл и Чувашия подписали соглашение о сотрудничестве

Эртыше шуматкечын Козьмодемьянск олаште кугу пайрем гӱжлен. Кок ий эртымеке, тушто кумдан вучымо «Бендериада» мыскара фестиваль эртен. Тудо Марий Элын кажне гаяк районжо, эсогыл вес регионла гыч уна-влакым чумырен. Мыскара пайремыш кокла шот дене ончымаште 15 тӱжем марте еҥ толын коштын. Тидым Козьмодемьянскысе туризм-увер рӱдер палемда. Ик кечылан ола уэш Ильф и Петровын «12 стульев» романысе Васюкишкыже савырнен.