«Марий Эл ТВ»: В Академическом русском театре драмы им. Г. Константинова представили нового директора

Георгий Константинов лӱмеш академический руш драме театрыште у директорым шогалтеныт. Вуйлатышын сомылжым жаплан Валерий Андреев шукта. Тылеч ончыч тудо шуко ий Шкетан лӱмеш театрыште директорын алмаштышыже семын тыршен. Сандене театр илышым мут дене огыл, паша дене пала. Валерий Андреевын руш драме театрыште директорын сомылжым шуктымо нерген эртыше кечылаште тӱвыра министр Константин Иванов увертарен. Кызыт у вуйлатыше коллектив дене палыме лиеш, адакшым зданийымат тичмаш ончен лектын.