«Марий Эл ТВ»: В рамках проекта «Без срока давности» презентовали документальный фильм

Йошкар-Оласе 19-ше номеран школышто «Благодарю за службу» документальный фильмым ончыктеныт. Тудо СССР жапыште, Кугу Ачамланде сар годым, нацист-влакын преступленийыштым почын ончыкта. Ты фильмым «Без срока давности» шанче-просветительский проект кышкарыште писатель, спецслужбо-влакын историкше Николай Лузан да ГТРК «Марий Эл» гыч коллегына-влак ямдыленыт. Документальный фильмын негызыше - немыч капитан Вальтер Георг Витцель дене кылдалтше рассекреченный материал-влак. Лач тудын приказше дене Орёл олаште илышлан кӱлешан инфраструктурым пудештареныт. Архив гыч материалым Марий Элыште Россий ФСБн специалистше-влак рашемденыт. «Без срока давности» проектын тӱҥ шонымашыже - историй шарнымашым аралаш.