Марий Эл ТВ: В Моркинском районе прошли соревнования лыжников памяти участника СВО Михаила Михайлова

Морко район Изи Кушна ялын эргыже, тале ечызе, специальный сарзе операцийыште вуйжым пыштыше Михаил Михайловым шарныме лӱмеш Морко район Шордӱр тӱҥ школышто ече дене таҥасымаш эртен. Район кӱкшытан таҥасымашке Морко районын 10 школжо гыч участник-влак ушненыт. Чылаже 110 ечызе ечыгорныш шогалын. Эн ончыч стартыш Михайловмыт еш лектын. Нуно 1 километр кужытым куржыныт.