Марий Эл ТВ: Советский районысо Ургакш посёлкысо лицей-интернатыште кадет класс товатмутым пуэн

Кадет радам ешаралтын. Советский районысо Ургакш посёлкысо лицей-интернатыште 21-шо кадет класс товатмутым пуэн. 9-ше классыште тунемше 23 ӱдыр-рвезе кадет радамыш пайремлын ушнен. Кадет виктыш тиде лицейыште 21 ий ончыч тӱналтышым налын. Тачысе кечылан 18 классым туныктен луктыныт.