Кечывал деч ончыч - туныктымо тӧнеж, кечывал деч вара – сайлыме участке. Российыште ик эн тӱҥ сайлымашым эртараш школ-влакат полшат. Тидлан южо школлаште актовый але спортзалым лӱмын келыштареныт. Республикысе туныктымо тӧнежлаште 15, 16 да 17 мартыште сайлымаш комиссий пашам ышта. Тиде жаплан урок-влак ешартыш шинчымашым пуышо тӧнежыш куснен але уремыште эртаралтын кертыт. Икманаш, школлаште туныктымо пашаш вашталтыш пурталтеш.