«Уло еш дене» проектын участникше-влаклан черетан, 14-ше заданий шеҥгелан кодын. Участник-влак уло еш дене элнан президентше верч йӱклымашке ушненыт. Нунын коклаште – Йошкар-Ола гыч Никоновмыт еш. Суртоза Михаил, озавате Валентина, йоча-влак Валерия, Максим ден Ксения – чыланат марий вургем дене сайлымаш участкыш миеныт. «Марий вургемым ме пайремлан чиена, а йӱклымаш – пайрем дене икте», палемден суртоза. Каласыман, Валерия икымше гана йӱклен.