Марий Элыште Российын Президентшым сайлымаште 84 процент утла еҥ шке ӱшанжым кызытсе вуйлатыше Владимир Путинлан ончыктен. Кундемыште сайлымаш кугу пудыртымаш деч посна эртен. Республикын Сайлымаш комиссийже йӱклымашым иктешлен. Республикыште 68,91 % сайлымашке ушнен. Тиде 357 тӱжемат 418 еҥ. Владимир Путин верч 84 процент наре йӱкленыт. Николай Харитоновлан 6 процент наре, Владислав Даванков 4 процент утларак йӱкым поген, Леонид Слуцкийын 3 процент утларак.