Тӱвыра пашаеҥ-влакын кечышт кугу пайрем деч посна эртен. Марий Элын вуйлатышыже Юрий Зайцев мероприятий тӱҥалтыште Москва областьыште лийше терактыште ӱмыр лугыч лийше-влакым ик жап шып шоген шарналташ темлен. Яков Эшпай лӱмеш марий кугыжаныш филармонийыште 25 мартыште районла да олала гыч идалык жапыште ойыртемлтшын пашам ыштыше, шуко жап ты сферыште тыршыше-влакым правительствын да ведомствын суаптарышт дене палемденыт.