Оҥай да пайдале каникул. 25 гыч 29 март марте йоча-влаклан «Инженер каникул» проект пашам ышта. Тудо школышто каныш жаплан келыштаралтын. Ынде 2-шо ий «Открой в себе инженера» лӱман проектым Йошкар-Оласе 10-шо номеран школ шыҥдара. Ик арня жапыште йоча-влак тӱрлӧ мастарлык-классыш ушнат да шинчымашым вигак практикыште пеҥгыдемдат. Инженер каникулын икымше занятийыште мемнан съемочный группынат лийын.