Марий Эл ТВ: Экскурсий-влак йот йылме дене

Йот элла гыч студент-влакым марий калыкын илыш-йӱлаже да ыштыш-кучышыж дене палдарат. Руш йылме дене кайыше экскурсий тунамак йот йылмышке кусаралтеш. Тыгай практикым Т. Евсеев лӱмеш тоштер ынде 3-шо ий почела илышыш шыҥдара. Ты марте англичан йылмыш гына кусареныт гын, тиде гана эше француз йылмым авалтеныт. Ик тыгай экскурсийыште Эльвира Петрова ден Владимир Бирюков лийыныт.