Марий Эл ТВ: «Ший талешке» конференцийыш чумыргеныт

Кажне ийын, вÿдшор тылзыште ме марий талешкына-влакым шарналтена: Кронуш, Болтуш, Чубылат, Чоткар. Тыгак марий кундемым аралымаште, тÿзатымаште, вияҥдымаште шке надырым пыштыше кажне айдемым патырлан шотлена. Погынымаш, йыргешке ÿстел, конкурс-влак лачак нунын лÿмеш эртат. «Ший талешке» республикысе конференций нунын кокла гыч иктыже.