24-ше гыч 30-шо апрель марте Тÿнямбал иммунизаций арням увертарыме. Тÿнямбал тазалыкаралтыш организаций тыгай арням 2012-шо ий гыч эртара. Тудын тÿҥ шонымашыже – прививке полшымо дене черым шижтараш, вакцинацийын пайдаже нерген ойлаш. Иммунизаций арняште поликлиникын пашаеҥже-влак калык дене умылтарымаш пашам эртарат, ревакцинаций нерген ушештарат да профилактике прививке-влакын национальный календарьышт дене келшышын вакцинацийым ыштат.