Юлсер кундемыште сарзыеҥже Сергей Тимоевым шарныме лӱмеш куштылго атлетике дене кросс эртен. Сергей Тимоев специальный военный операцийын участникше лийын, «Патырлык» орден дене палемдалтын. «Быть воином – жить вечно!» лӱман таҥасымаш ятыр участникым чумырен. Кросс геройым шарныме, патриот шӱлышым вияндыме, таза илыш-кучыш деке шӱмаҥдыме, виян спортмен-влакым палемдыме амал дене эртаралтеш.