Йошкар-Ола кугу семинар-практикумлан ямдылалтеш. 12 гыч 17 июнь марте «Шочмо книга» семинар лиеш. Тудо Марий Элыште илыше марий да руш йылме дене возышо писатель ден кусарыше да Москва гыч эксперт-влакым чумыра. Российыште илыше калык-влакын йылмышт дене возышо автор-влак дене паша 2015 ийыште тӱҥалын. Тидлан шӱкалтышым сылнымут идалык ыштен. Тылеч вара эксперт-влак регионлашке лекташ тӱҥалыныт. Дагестаныште, Мордовий, Удмуртий республикыште, Нижний Новгород, ӱмаште Москваште да моло вереат лийыныт. А тений нуно Йошкар-Олашке толыт.