Москвасе ВДНХ кумдыкышто цирковой таҥ ошкылмаш лийын. Тудо 1000 утла еҥым чумырен. Тышке ятыр цирк артист ушнен. Нуно тӱрлӧ жанрыште шке мастарлыкыштым ончыктеныт: акробатике, атлетике, гимнастике, жонглирований, иллюзий, клоунаде да тулеч молат. Сӧрал костюмым чийыше артист-влак трюкым ончыктеныт, муреныт, куштеныт, калыклан весела кумылым пӧлекленыт. Палемдыман, тыгай таҥ ошкылмаш ончер-форум кышкарыште кокымшо гана лийын.