«Журавушка» рӱдерыште СВО-н участникше-влакын икшывышт канат. Смене 31 майыште тӱҥалын да 13 июнь марте шуйна. Рӱдерыш 170 ӱдыр-рвезе республикын районлаж гыч толын. Нунылан Еш идалыклан пӧлеклалтше программым ямдыленыт. Ты радамыште фотопроект, видеопроект, виртуальный газетын проектше эртеныт. Тыгак рӱдерыште Российын кечыжлан пӧлеклалтше пайрем мероприятий лийын.