Икымше делегат-влак сайлалтыныт. Марий Элыште 12-шо Марий погынлан делегатым сайлыме кампаний умбакыже шуйна. Тидлан тӱҥалтышым Волжский район пыштен. Правил почеш сайлымаш нерген уверым 1 тылзе ончыч республикысе СМИ гоч пуыман. 1 тÿжемат 100 марий дечын 1 делегат формул дене тений чылаже 385 еҥым сайлышаш улыт. Делегат – шке кундемын ӱшанъеҥже семын, калыкын лукмо йодышым да темлымашым Погынышто аралышаш. Сайлымаш деч вара кажне район конференцийым эртарышаш.