Тыныс илышым пӧртылтышӧ, тушман ваштареш лӱдде кучедалше да сӧй пасушто вуйым пыштыше герой-влакым шарнен. Шарнымаш да ойганымаш кечын, 22 июньышто Морко район Кугорнӱмбал Шальыште обелискым почыныт. Тушто Кугу Отечественный сарыште кредалше, ӱмыр лугыч лийше салтак-влакын лӱмыштым вераҥдыме. Кугорнӱмбал Шале гыч Кугу Ачамланде сарыш 80 наре еҥ каен. Лӱддымылыкым да патырлыкым пӧръеҥ дене тӧр ӱдырамаш-влакат ончыктеныт.