Морко район Унчышто Сӱрем кумалтыш лиеш. Тудым йӱлаш пурымо семын 12 июльышто села воктене отышто эртарат. Тушко Марий Эл, тыгак Урал кундем, Татарстан кундем гыч онаеҥ-влак чумыргат. Марий калыкын тӱҥ онаеҥже Александр Иванович Таныгин пелешташ тӱҥалеш. Отышто вич тулолмо лиеш: Ош Кугу Юмылан, Шочынавалан, Тӱнямбал Серлагышлан, Кӱдырчӧ Юмылан да Кугарня Юмылан. Унчо кундемыште Сӱрем кумалтышым кажне ийын эртарат. Тений эн кугу пӧлек – оргамак лиеш.