«Лӱдыкшдымӧ да сай качестван корно» нацпроект Шернур районышто вияҥеш. Тачысе кечын корно озанлыкыште паша шолеш. «Йошкар-Ола-Уржум» регионысо кугорным тӱрыснек олмыктымо амал дене Шернур ола шотан илемыште кум километрат 600 метр кужытышто тротуарым чоҥат. Тудо, автозаправке станций гыч Пуланур ял марте шуйна. Палемдыман, ончыч тиде корно ужашыште тротуар лийын огыл.