Сентябрьыште Марий Элыште Кугыжаныш Погыныш депутат-шамычым сайлымаште икымше гана дистанционный электрон йӱклымаш йӧным кучылтыт. Тыге кумылан-влак иктаж кандидат верч шке йӱкым сайлыме пунктыш толде пуэн кертыт. Онлайн йӱклашлан «Кугыжаныш услугышто» пеҥгыдемдыме учёт запись кӱлеш. Тыгак ончылгоч порталтыште йодмашым возыман. Ушештарем, Марий Элыште сайлымаш кече-влак сентябрь тӱҥалтыште эртат.