Ийготет – 14-ыт гыч 18 ияш марте, яра жапет шуко да кеҥежым пашам ышташ кумылет уло? Тугеже шке пашадарым ыштен налаш йӧн лектеш. Кеҥеж канышыште улшо тунемше-влак ялозанлыклаште кайыше уржа-сорла тургымым вораҥдараш полшат. Ача-ава дене пеҥгыдемдыме ойпидыш почеш самырык еҥ-влаклан колхоз пашадарым тӱла. «Родина» ялозанлыкыште тыршыше рвезе-влак дене мемнан съемочный группына вашлийын.