Марий Элыште 17 август гыч кеҥежымсе-шыжымсе сонарлыме тургым тӱҥалеш. 1 август гыч Марий Эл Республикысе янлыкым аралыме шотышто департамент сонарзе-влаклан чоҥештылше, ийын коштшо кайыкым кучаш разрешенийым пуэдаш тӱҥалын. Тыге, 17 август гыч 22 ноябрь марте вӱдыштӧ ийын коштшо, пасу, куп да олыкышто илыше кайыквусым, а 22 декабрь марте кӱдыр, музо да курмызакым лӱяш лиеш.