29 август - Эдес ола гыч Константинопольыш Господь Иисус Христосын Нерукотворный образшым кондымо кече. Ты кечын Пӱкш спас палемдалтеш. Тудым эше Кинде спас маныт. Тиде кечын у шурно ложаш гыч киндым пыштеныт, чодыраште пӱкшым погаш тӱҥалыныт. Кинде илян кече шыжымсе пайремлан тӱҥалтышым пышта. Тудын тӱҥ шонымашыже – у кинде лектышым налмылан Юмылан тауштымаш, ончыкыжым кокияш шурнылан сайын кушкашыже йӧным йодмаш.