Курыкмарий районышто тазалык арням иктешленыт. Марий Эл вуйлатышын «Таза республике» проектше кышкарыште тушто кум кече жапыште 200 наре еҥ шке тазалыкшым терген. Мобильный медкомплекс-влак Усола, Емешево да Озерки ялыште пашам ыштеныт. Куснылшо тазалык пунктышто вӱрым сдатлаш, давленийым тергаш, флюорографийым да электрокардиограммым эрташ йӧн лийын. Усолашке Алевтина Бокова миен коштын.