Юнармеец-влак ий гыч ийышке шукемыт. Марий Элыште тиде толкынышко ушнышо-влакын VIII слётышт эртен. Тушко республикын районлаже, олалаж гыч «Юнармий» регионысо отделенийын еҥышт ушненыт. Мероприятийыште кызытсе вооруженийын, техникын, пожарный-утарыше-влакын оборудованийын выставкышт лийын. Тидын дене пырля футбол матчым эртареныт. А тӱҥ шотышто эртыше ийым иктешленыт да тенийлан планым ыштеныт. Ӱдыр-рвезе-влакым тиде толкынышко ушнаш мо тарата? Тиде йодышлан вашмутым нуно раш палат.